آغاجدان من دوشم گرک
شنبه, ۲۳ دی ۱۳۹۶، ۰۲:۰۲ ب.ظ
آغاجدان من دوشم گرک
دیله ییم قویلانیـب سولار باغرینا
پاییزین کؤکسونو من دئشم گرک
یازیلـیب آلنیـما من قاچـانمارام
یارپاغام آغاجدان من دوشم گرک
یازدیغیم دیلک دیر سپیلیب بورا
تاپشیردیم دیله یی غزل الینده
سانیردیم اوزگور دور پاییز،بیلمه دیم
پایـیزدا اسـیر دیر خـزل الینده
آ...پاییز دردینی دویدوم ایندیسه
سن اؤزون دردلی سن ،سنه مین باغیش
قوپ قورو یاسینی ساخـلا آغاجدا
صاباحدان یاغاجاق ائل لره یاغیش
