آغلایار
شنبه, ۲۳ دی ۱۳۹۶، ۰۲:۰۲ ب.ظ
آغلایار
نامردلر الینده یاخا قالاندا
کونول ده آغلایار گوزده آغلایار
دوز سؤزو دئینده نادان قانماسا
دفتر ده آغلایار سوزده آغلایار
کوره ده پیشمه سه جورلنمز دمیر
اؤکوزه زور گلر برک اولاندا یئر
تولکی شیره دونر اگر اؤلسه شیر
یالاندا آغلایار دوزده اغلایار
بیداد دوست آرا سؤزونه گیرمه
تندیر توستوسوندن چکیلمز سورمه
پیسلیک تندیرینده یاناندا کرمه
او اوت دا آغلایار کوزده اغلایار
